Va raxmatulloxi va barakatux.Ikromjon ukam olma kochati orasidagi ajriq otlarni qanday yoq qilsa bol…
Savol:
Assalomu alaykum va raxmatulloxi va barakatux.Ikromjon ukam olma kochati orasidagi ajriq otlarni qanday yoq qilsa boladi.2 yildan beri kochatni osishiga qoymiyapti.iltimos maslaxat bersangiz.raxmat.
Javoblar
Боғ ичидаги ажриқларга умуман ажриқ учун энг кучлиси таъсир этувчи моддаси глифосат бўлган препаратлар хисобланади. Ураган форте, Глиф стар, Виглифос, Энтоглифос каби. Глифосат хамма ўтни ўлдирувчи гербицид, мевали дарахтларга теккизмасдан сепиш керак. Глифосат 75% бўлса 10л сувга 120-130гр, агар 48% ёки 50% бўлса 10л сувга 180-200гр аралаштирилади. Сепишда ажриқ яхши барглаган ва ҳаво харорати +15-20 градус бўлиши энг қулай вақт. Пастроқ хароратда хам ишлайди, фақат самараси кўпроқ кутилади. Тупроқ намлиги яхши бўлса илдиз чириши тезлашиб самара тезроқ билинади. Экин экишдан 20-25 кун олдин қўлланилиши керак. Умуман, ажриқни йўқотишда чуқур ағдариб шудгор қилиш, эрта баҳорда чизел ва бороналар билан илдизпояларини йиғиб олиш энг самарали усуллар ҳисобланади. Лекин юқоридаги гербицидлар ёппа таъсир кўрсатади, барча ўсимликларни қуритади. Одам соғлиғи учун ҳам хавфли, бориб-бориб қон ракини келтириб чиқариши мумкин, мен сўраётганларингиз учун агроном сифатида мажбур тавсия қилаяпман. Буни сепаман десангиз бошдан-оёқ ёпиқ кийиниш, қўлда қўлқоп, кўзда кўзойнак ва махсус респиратор (оддий маска бўлмайди) тақинг. Иш олдидан, ишдан кейин ва бир неча кун давомида кўпроқ сут-қатиқ ичиш керак. Арзонроқ ва хавфсизроқ препарат сифатида ажриқ (шамак, ғумайга хам) учун Зеллек супер ни хам қўллаш мумкин.
