Bog'da 2tup ertapishar olma darahtimiz bor, o'tgan yili hosiliga qurt tushib to'kilib ketdi.

Олма мевасини ичига тушувчи қуртни айтаётган бўлсангиз бу олма мевахўри деган қурт. Бунга энг аввал профилактика билан курашилади, яъни кузда хазон баргларни тўплаб кўмиб юбориш, дарахт танасини эски пўстлоқлардан тозалаш, дарахт атрофини яхшилаб чопиқ қилиш, дарахтлар танасини оқлаш, боғларда тутқич белбоғлар ўрнатиш, пишмай тўкилаётган меваларни ҳар куни  териб олиш ва бошқа ишлар. Олма қуртига қарши профилактика учун гуллашдан кейин ҳар 15 кунда таъсир этувчи моддаси эмамектин бензоат бўлган (Турил, Эмабен стар, Агро проклейм) препарат сепинг, жами 3 марта. Ёки Инсегар деган препарат 3 ҳафта оралатиб 2 марта сепилади. Ёки, таркиби хлорантранипрол, ацетамиприд, лямбда-циголотрин, тиоклоприд ёки циперметрин+хлорпирифос бўлган препаратлардан бири билан ишлов берилади (ҳар 15 кунда жами 3 марта).