O‘zbekistonda 20 ta yangi agrometeostansiya o‘rnatiladi

O‘zbekistonda 20 ta yangi agrometeostansiya o‘rnatiladi

18, Nov 2026

Antaliyada bo‘lib o‘tgan COP31 iqlim konferensiyasida O‘zbekiston qishloq xo‘jaligini iqlim o‘zgarishiga moslashtirish bo‘yicha yangi loyiha e’lon qilindi. 10 million dollarlik grant doirasida mamlakatimizda 20 ta zamonaviy agrometeostansiya o‘rnatilishi rejalashtirilmoqda.

Besh yilga mo‘ljallangan ushbu tashabbus O‘zgidromet laboratoriyasini modernizatsiya qilish va fermerlarning aniq ob-havo ma’lumotlaridan foydalanish imkoniyatini yaxshilashga qaratilgan. Loyiha Xalqaro qishloq xo‘jaligini rivojlantirish jamg‘armasi (IFAD) ko‘magida amalga oshiriladi.

Asosiy maqsadlar:

  • Xavfli ob-havo hodisalari, jumladan, qurg‘oqchilik va sovuq urishi haqida erta ogohlantirish.
  • Sug‘orish va hosil yig‘im-terimi bo‘yicha aniq tavsiyalar berish.
  • Ekinlardagi kasalliklar va zararkunandalar tarqalishini prognoz qilish.

Ushbu tizim fermerlarga iqlim o‘zgarishi sharoitida hosildorlikni saqlab qolish va xavflarni kamaytirishda katta yordam beradi.

Dehqon uchun

Yaqin yillarda fermerlar o‘z hududidagi ob-havo ma’lumotlari va zararkunandalar xavfi haqida aniq prognozlarni mobil ilovalar orqali olish imkoniyatiga ega bo‘ladilar.

Manba: Gazeta.uz (o‘zbekcha)