Қишлоқ хўжалиги рўйхатдан ўтказилгач, мамлакат ЯИМ кўрсаткичи қайта ҳисобланди

Миллий статистика қўмитаси 2017–2025 йиллар учун ялпи ички маҳсулот (ЯИМ) кўрсаткичларини қайта кўриб чиқди. Янгиланган маълумотларга кўра, 2025 йилги номинал ЯИМ ҳажми илгари айтилган 147 миллиард доллардан 169 миллиард долларгача оширилди. Бу иқтисодиётда янги ишлаб чиқариш пайдо бўлганини эмас, балки аниқроқ ҳисоб-китоб ва агросекторни рўйхатга олиш натижаларини англатади.

• Қишлоқ хўжалиги ҳиссаси: ЯИМнинг 277,1 триллион сўмга кўпайишига аграр соҳадаги рўйхатга олиш натижалари катта таъсир кўрсатди — умумий фарқнинг 29 фоизи (80,4 триллион сўм) айнан шу соҳага тўғри келди.
• Реал ўсиш: 2025 йилда реал иқтисодий ўсиш суръати 7,7 фоиз ўрнига 7,8 фоиз деб баҳоланди.
• Аҳоли жон бошига: Ҳар бир фуқарога тўғри келадиган номинал ЯИМ 3 881 доллардан 4 373 долларгача кўтарилди.

Ушбу ўзгаришлар Халқаро валюта жамғармаси экспертлари тавсиялари ҳамда қишлоқ хўжалиги ва аҳолини рўйхатга олиш жараёнида тўпланган аниқ маълумотлар асосида амалга оширилди.

Dehqon uchun

Деҳқон ва фермер хўжаликлари маҳсулотларининг аниқ ҳисобга олиниши агросекторнинг мамлакат иқтисодиётидаги ҳақиқий ўрнини кўрсатади ва соҳани ривожлантириш учун давлат томонидан аниқроқ манзилли ёрдам берилишига хизмат қилади.

Manba: Gazeta.uz (o‘zbekcha)